علق الكاتب الصحفي والناقد الرياضي عمرو الدردير خسارة منتخب مصر الأولمبي بالأمس أمام فرنسا في الأولمبياد
وخسر منتخب مصر الأولمبي أمام فرنسا بثلاثية لهدف فى نصف نهائي منافسات كرة القدم لدورة الألعاب الأولمبية الحالية
و يفقد فرصة اللعب على الميدالية الذهبية ويضرب موعد مع المغرب للعب على الميدالية البرونزية يوم الخميس المقبل
عمرو الدردير ومن خلال حسابه على موقع التواصل الاجتماعي فيسبوك تحدث قائلا:
نتكلم جد بقى شوية ، احنا اه لعبنا حلو وشرفنا مصر وكل حاجه بس والله ده مش إنجاز ومش كفايه
والسبب الحقيقي وراء الخسارة هو عقلية اللاعب المصري لكن كمستوى هو أدى بشكل جيد
بس اللاعيبه كانت بتعترض كتير اوي على اي قرار من الحكم وده في حد ذاته كارثه انت مش عاطي الكورة حقها حتى لو كنت جيد لازم تكون صبور وحكيم وميخرجش منك أفعال صبيانيه اوي تهور
وتابع: انا عارف ان غصب عنهم هي عقلية اللاعب المصري كده لكن والله المربع الذهبي مش إنجاز شوفوا المغرب عملوها في مونديال قطر ودلوقتي عملوها في أولمبياد باريس ومكسورين وزعلانين انهم موصلوش للنهائي وغير راضيين عن منتخبهم تماما لذلك .. المرة الجايه مفيش حاجه اسمها أداء مشرف أو توصل دور متقدم لا ياحبيبي يا تكون بطل يا تبقى فاشل وشكرا
