علق الكاتب الصحفي عمرو الدردير على الجدل الشديد بشأن مصير صفقة اللاعب أشرف بن شرقي وامكانية العودة من جديد للزمالك
عمرو الدردير وعبر حسابه على موقع التواصل الاجتماعي تويتر:
بن شرقي عايز مليون ونصف دولار في الموسم الواحد عشان يجي الزمالك ومتمسك بقرارة وحجته انه لاعب حر ومش هيكلف النادي عملية شراء مع نادي آخر
بن شرقي بمستواه الحالي ميستحقش نصف مليون دولار في الموسم الواحد حتى وبال 75 مليون جنية دول نجيب ٤ أو ٥ صفقات سوبر من مصر أو صفقتين تلاته لاعيبه افارقة وهيفيدونا اكتر من بن شرقي مليون مره
وتابع: ملحوظه : بن شرقي عرض نفسه ع الوداد بس الوداد مش عبيط عشان يدفع فيه ربع الرقم ده قاله احلم بعيد ياحبيبي
ملحوظة أخرى: بن شرقي مبقاش مرغوب فيه من أندية الخليج واي نادي خليجي بقى بيقدر يقيم اللاعب كويس جدا واقصى رقم جه ل بن شرقي هو ٧٠٠ الف دولار في الموسم طبعا بن شرقي قالك ازاي بعد ماكنت باخد 2 مليون انزل ل700 الف ، لا دا انا اروح اضحك ع الزمالك بقى بحجة اني لاعب حر وعايز ارجع للكيان بس برضو مش همضي غير لما اخد اللي انا عايزو
من الاخر لا لبن شرقي في الزمالك
