شن طارق السيد لاعب نادى الزمالك الأسبق هجوم على لاعبى الزمالك بعد الهزيمة من طلائع الجيش بنتيجة 3-1.
طارق السيد وعبر تصريحات تلفزيونية قال : بالنسبة للاعبين الشباب والبدلاء، جت لك فرصة تثبت نفسك وأكبر دوافع انك لاعب فى نادى الزمالك، ودا فى حد ذاته دافع كبير.
فى لاعبين انا مش مصدق مستواهم ولا يوجد لديهم اى اعذار بالنسبة لى، العذر الوحيد اللى ممكن يتقبل ان مفيش لاعبين كبار بجوارهم.
معقول أوصل للمرحلة دى ولا أثبت نفسي، انا مش بطالبك تبقى ميسى، بس على الاقل تعرف تباصي كورة، وبكرة وبعده الكل هيتحاسب على مستواه.
انت كلاعب جات لك الفرصة امسك فيها، وبعد كدا مترجعش تزعل لما تلاقى نفسك رحلت عن النادى، لا تلوم الا نفسك.
انا الزمالك متعود على الضغط والمفروض انتم صفوة شباب النادى، يبقى لازم مستواك يكون غير كدا.
