شن محمد صلاح لاعب نادى الزمالك الأسبق، هجوم كبير على البرتغالى جوزيه جوميز المدير الفنى لنادى الزمالك بعد الهزيمة من طلائع الجيش بالأمس.
حيث انتقد محمد صلاح تراجع مستوى الفريق ونتائج الفريق، متسائلاً : هو جوميز عايز ايه، وبيعاند مع مين، مش معقول يكون عايز يخسر مفيش مدرب عايز يخسر.
لو انت عايز تعمل روتيشن فى صفقات تم التعاقد معها فى يناير لم تلعب، ليه متخدش فرصة، دا لو انت عايز تحط المجلس فى موقف صعب علشان يتقال شوفوا اللاعيبة اللى تم التعاقد معهم.. لكن انت عايز ايه.
كلنا أشدنا بجوميز لما وصل للمركز الرابع، وكان بيلعب بالشباب، لكن انت كدا مش عايز تكتشف الشباب زى ما بيتقال، لان واضح انك معندكش لاعبين شباب كويسين.
لاعبى فرق 2003 و2005 كانوا أفضل ومنهم 3 لاعبين يستحقون التواجد فى الفريق الاول، والمفروض ان اللاعيبة دى فى مرحلة بناء الشخصية.
وواصل : ازاى الفريق هينافس على البطولات الموسم القادم بهؤلاء اللاعبين، وللاسف فى امور ادارية كثير مش واضحة، زى مثلاً انت مشيت حاتم سكر ليه، لازم حد يطلع يقولنا السبب.
وعن الكأس والمشاركة فيه قال : عيب نقول الزمالك لا يشارك فى الكأس، لازم نشارك بالاساسيين، لان الكاس طريقى لبطولة.
