وجه أحمد الميرغنى نجم الزمالك السابق رسالة لوم وعتاب الى مجلس إدارة نادي الزمالك الحالي برئاسة حسين لبيب
وذلك عقب استمرار اخفاقات كرة القدم بالخروج بالأمس من مسابقة كأس مصر أمام فريق طلائع الجيش بركلات الترجيح من دور الـ 16
أحمد الميرغني وخلال حسابه على موقع التواصل الاجتماعي اكس تحدث قائلا:
مجلس ادارة الزمالك الحالي هو اكتر مجلس في تاريخ الزمالك تقريباً كان واخد دعم جماهيري لا حدود له
و للاسف هما ناجحين بامتياز بقراراتهم انهم يفقدوا الدعم الجماهيري ليهم
بقراراتك و اخلاصك و تفانيك لنادي الزمالك الجمهور هيشيلك و يطلعك سابع سما زي ايام الانتخابات
وتابع: و انت برضه اللي بايدك خليت ناس كتير تنزلك سابع ارض
نصيحة مني صغيرة لمجلس الادارة و ده لمصلحة نادي الزمالك ليس الا
مفيش قدامك الفترة القصيرة اللي جاية دي غير مكسب السوبر الافريقي اللي المفروض ان انت ضحيت بالكاس علشانه ده بقي يحصل ازاي دي بتاعتك انت كمجلس ادارة و مسئوليتك
واستكمل: ده لو عاوز الجمهور يرجع يدعمك تاني
لان للاسف انت المسؤول الاول قدامنا عن كل حاجة و ده بفضل التصريحات العنترية اللي كانت قبل الانتخابات
راجعوا نفسكم و قراراتكم لان انا حتي الان نفسي تنجحوا علشان نفسي اشوف مجلس ادارة لنادي الزمالك مستقر ٤ سنين
