رد المدرب العام لنادى بيراميدز محمد ناجى جدو، على تصريحات أحمد سليمان عضو مجلس إدارة نادى الزمالك بالأمس.
هذه التصريحات التي سأل فيها عن وضعية نادى بيراميدز الذى يصرف ملايين كل موسم، ولا يجد مقابل فى النهاية، الى جانب رفضه بيع لاعبين الى نادى الزمالك، لـ يخرج المدرب العام للفريق السماوي يعلق ويرد على هذه التصريحات.
وعبر صفحته الشخصية على موقع التواصل الاجتماعى إكس كتب محمد ناجى جدو رداً على أحمد سليمان قائلاً :
الكابتن احمد سليمان طلع امبارح و هاجم بيراميدز و أندية الشركات قال علامات استفهام على بيراميدز عشان مش بيدوهم لاعيبة و انهم بيشتروا لاعيبه وأنهم بيصرفوا كتير و بيدخلهم فلوس قليله و مش بيسيبوا لاعيبة تحترف !!!!
اولاً بيراميدز أداهم عمر جابر و دونجا و عبدالله السعيد و هما دلوقتي احسن لاعيبه في الزمالك و هل لو بيراميدز كلم الزمالك انهم عايزين زيزو مثلا الزمالك هيوافق ؟ و ماسيبتش زيزو يحترف ليه ؟!
ثانيا طبييعي ان بيراميدز يشتري لاعيبه و يقوي القايمة زي كل الفرق
ثالثا ممكن تقولنا يا كابتن احمد الزمالك بيصرف كام و بيدخله كام و هل بيكسبوا فلوس من الكوره اكيد لا. الزمالك دفع اكتر من مليار جنيه غرامات بس !! ف ممكن تقولنا الكوره في الزمالك بتكسب كام !!
رابعا من أول المجلس نجح في الانتخابات و كل لقاء تليفزيوني من اول الرئيس لأصغر عضو بيتكلم عن رمضان و عايزين رمضان صبحي مع انه متعاقد مع النادي لمده تلات سنوات و دي حاجة عمري ماشوفتها في اي حتة في العالم لا في مصر ولا بره مصر ان مسئولين نادي بيتلمكوا عن لاعب في نادي تاني و تعاقدوا ساري لمده ٣ سنوات !!
بصراحة انتوا اللي عليكم علامات استفهام !!!
