تحدث الاعلامى ابراهيم عبد الجواد عن ما وصفة نقلة مالية منتظر فى نادى الزمالك، ستساعد القلعة البيضاء على النهوض فى المرحلة القادمة.
وعبر برنامجه التلفزيوني قال : فى بشرة خير لجمهور الزمالك، بعد ما حصل الاستقرار الادارى اللى كانت جماهير الزمالك تتمناه، وتواجد المجلس الحالى برئاسة حسين لبيب.
تبقى الازمة المالية فى النادى، والتى يعانى منها الزمالك بسبب مجالس إدارات سابقة، لان كان فيها ملفات عجيبه، وشبهات فساد.
وواصل : محبي الزمالك وكبار رموزه، هيبقوا خير عون لنادى الزمالك، لان اى تطوير محتاج لفلوس، والناس مكنتش عايزة تتجمع إلا فى وجود مجلس مستقر.
المجلس المستقر مهمته استغلال الفلوس احسن استغلال، علشان نحقق مكاسب وتطوير فى النادى، ودا هيبقى قريب ان شاء الله.
اللى هيحصل الفترة الجاية من لجنة الاستثمار فى النادى، سيكون نقطة فارقة فى تاريخ الزمالك، ودى بشرة خير لجمهور الزمالك.
