دافع الإعلامي مينا ماهر المذيع في قناة نادي الزمالك عن اللاعب محمود عبد الرازق شيكابالا قائد الفريق الأول لكرة القدم
وذلك ضد موجة السخرية والتقليل التي خرجت بشكل كبير ضد اللاعب خاصه عقب إصابته على هامش مشاركته مع الفريق في مباراة المصري الماضية في الدوري والتي خسرها الزمالك بهدف نظيف.
مينا ماهر ومن خلال تصريحات تليفزيونية تحدث قائلاً: لما تتكلم عن شيكابالا تقوم تقف و انت بتتكلم عليه، شيكابالا الاكثر تتويجا بالبطولات في تاريخ نادي الزمالك.
وتابع: شيكابالا اكثر من صنع في تاريخ الديربيات امام الاهلي، شيكابالا اسطورة الزمالك و انتو كلامكم كلام فارغ يا جماعة ريحوا نفسكم.
وتحدث مينا ماهر أيضاً قائلا: رونالدو بعد مباراة النصر و الزمالك طلب انه ياخد تيشيرت اسطورة الزمالك شيكابالا لانه عارفه من ايام ما كان في سبورتنج لشبونه، شيكابالا ياما عمل للزمالك و شال الزمالك علي كتافه، في لاعيبة سجلت في تاريخها 3 او 4 اهداف بتتقارن بيه طب ازاي يا جماعة.
وواصل أيضاً: موسيماني مدرب الاهلي قال علي شيكابالا انه افضل قدم يسري هو شافها في حياتها، و كان بيعمل محاضرة مخصوص قبل المباريات عشان الناس تقفل عليه، اليو ديانج لاعب الاهلي بعد مباراة الزمالك و الاهلي 2-2 راح و طلب تيشيرت شيكابالا.
مؤكداً أن قيمة شيكابالا كبيرة اوي اوي يا جماعة انتوا بتتكلم عن مين و تفاعل و ريتش ايه اللي عايز تجيبهم بسبب كلامكم عن شيكابالا.
وتحدث مينا ماهر أيضاً قائلا: شيكابالا من اول يوم وصل في ليبيا و الناس كلها بتتصور معاه من جماهير النصر الليبي، شوف حب الجماهير و اللاعبين الافارقه بالاخص لشيكابالا، شيكابالا من اول ما نزل ارضية الملعب و الملعب كله يهتف بأسمه و رئيس النادي و خالد حسين طلبوا مشاركته بشكل اساسي، احنا معانا قيمة كبيرة جداً و اسطورة حقيقة يا جماعة.
