فى اول تعليق من احمد عيد عبد الملك مدرب غزل المحلة السابق، بعد الرحيل عن تدريب الفريق المحلاوى.
وتقدم أحمد عيد عبد الملك بإستقالته من منصبة بعد الهزيمة من الزمالك برباعية، وتم قبول الاستقالة ليعلق أحمد عيد على هذه الاستقالة.
وعبر صفحته الشخصية على موقع التواصل الاجتماعى فيس بوك كتب أحمد عيد عبد الملك قائلاً :
الحمد لله اشتغلت كمدير فني من ٢٠١٩ بعد ما اعتزلت كلاعب في نفس الموسم بداية من نادي جولدي ونجوم المستقبل والشمس وبني عبيد والنجوم ولاڤيبنا واخيراً غزل المحلة بالترتيب كدة ..
اولاً الحمد لله مفيش مرة خرجت من التجربة مكنتش راضي عن نفسي وشغلي وتعبي ومجهودي مع الفريق الي بديله ١٠٠٪ مع جهازي المعاون الي مساعدني كل واحد في دوره طبعاً ومخلصين لأعلي درجة والحمد لله سايبين في كل مكان اشتغلنا فيه بصمة وحتي لو في اختلاف في وجهات النظر مع البعض بيبقي الخروج من المكان بكل احترام ..
ثانياً الي طلعت بيه من كل ده في ٥ سنين ان التواصل مع لاعيبتي الي دربتهم ممكن يوصل ل ٩٠ ٪ ان مكانش ١٠٠ ٪ وكمان الي مكانوش بيلعبو بشكل اساسي او الي مبيلعبوش خالص معايا في المباريات دول يمكن اكتر الناس الي عندي تواصل معاهم بالاضافة للمسؤولين في كل الاندية بتجمعني بيهم علاقة طيبة ..
ودي حاجة والله بفتخر بيها جداً في شغلي وبتسببلي سعادة كبيرة جداً اكتر من اي حاجة تانية اني افضل متواصل مع الكل والحب والسيرة الطيبة دايماً موجودة بينا ..
وشكراً لأي حد بيدعمنا وبيقول في حقنا كلام كويس وحاسس بتعبنا ..
استراحة محاربين ولنا عودة قريباً جداً ان شاء الله
