واصل المستشار محمد عطية عضو اللجنة السابقة التى كانت تدير النادى، تعليقه على رحيل البرتغالي جوزية جوميز المدير الفنى السابق للفريق.
جوميز الذى رحل عن تدريب الفريق بصورة مفاجئة، حمل المستشار محمد عطية ادارة الزمالك مسئولية رحيل جوميز عن تدريب الفريق.
وعبر صفحته الشخصية على موقع التواصل الاجتماعى إكس كتب محمد عطية قائلاً :
ادارة موفتش بالتزاماتها ومدرب مشى - لا هو بطل ولا هو خاين - بس هنطلعه خاين عشان نبرر أخطاء وكوارث إدارية كالعادة .. هنتهمه انه سمسار عشان طالب لاعب مُعين وهنبعت ناس مالهمش فى الكورة يقيموه ونطفشه ..
بس هنطلع نقول افيه ظريف مستنين يطلبه فى الفتح .. مش عشان هو اختاره عشان فرى مثلاً .. وهنسيب ١٦ صفقة فشل منهم ١١ تقريباً وعقود ببنود كوميدية .. وهنهاجم سمسار لعيبة بس مش هنفتح بوقنا بكلمة عن اللى سايبه جوا النادى وكأنه بيدخل النادى فى السر ..
هنحمل فشل ملف الكورة لعضو بعينه - عامل اخطاء كارثية - وهننسب النجاح فى الكورة بردو لشخص واحد عشان بنبررله .. هننتقد احنا اللى على هوانا واللى مش بنبرر له بس انت لو انتقدت تبقى مُغرض وجاهل .. هنقول أى كلام مالوش علاقة ببعضه ونكدب وندلس ونبرر ونرمى الناس بكل اللى فينا ..
هنعمل كل حاجة وأى حاجة عشان نرضى أفندينا الحقيقى.
