علق الاعلامى خالد الغندور لاعب الزمالك الأسبق على ملف احمد سيد زيزو، لاعب نادى الزمالك، وهو الأمر الذي يسبب حالة من الجدل.
الملف الذى نصفه دائماً فى الزمالك اليوم بأنه أصبح ممل، ودائماً ما نؤكد ان والد اللاعب هو المحرك الاساسى لهذا الملف، تحدث الغندور عن مستجدات الملف.
حيث أكد الغندور ان يحب اللاعب ويحترمه، لكن فى النهاية على اللاعب أن يتعامل بإحترافية، مؤكداً الغندور ان الامر عرض وطلب.
وواصل الغندور : وقت الجد الكل بيفكر فى مصلحته، وأى لاعب لو مخدش اللى هو عايزه مش هيجدد، ووالد اللاعب عايز يوصل لاعلى عقد، لان دى مصلحة نجله وهو بيدور عليها.
وأضاف الغندور : والد اللاعب بستغل السوشيال ميديا للضغط على الزمالك، ودائماً ما يخرج ويقول اللاعب يريد الزمالك لكن محدش كلمنى لسه، وانا من حقى بعد أيام أتفاوض مع اى نادى.
واستطرد الغندور : المفروض الزمالك يبقى له أولوية الانتظار لعلم والد زيزو الظروف التى يمر بها النادى، مش أضغط علشان أعلن انى بتفاوض مع اندية اخرى.
المعلومة اللى عندى واللى اتقالى بلاش تقولها علشان زيزو هيزعل هو أن زيزو طالب 80 مليون جنية فى الموسم، يعنى تقريباً مليون و600 ألف دولار، يعنى تقريباً أكثر من 4 مليون ونصف دولار فى الـ 3 مواسم.
واتم الغندور : هل الزمالك يقدر على المبلغ دا دلوقتى .. بالتأكيد لا.
