علق الإعلامي مينا ماهر المذيع في قناة الزمالك على حاله مباراة الليلة لفريق النادي الأهلي أمام المصري في الدوري في الجولة السادسة
وذلك تعليقا عن تغاضي الحكم عن ركلة جزاء لفريق المصري صحيحة مليون المائة كانت سوف تُغير نتيجة المباراة
وذلك عقب نهاية الجولة بفوز الأهلي اليوم على المصري بهدفين للاشئ على ملعب استاد برج العرب في الإسكندرية
مينا ماهر وعبر تصريحات تليفزيونية تحدث أن محمد الشناوي حضن فخر الدين بن يوسف و فخر الدين قدامه الجون فاضي، انت متخيل الكورة دي ازاي مش ركلة جزاء!
وتابع: اللاعب استلم الكورة و هيشوط و حصل له اعاقة 100٪ من الشناوي و الڤار و الحكم شاهد مشافش حاجة ازاي يا جماعة، طب الكورة المشتركة في الهواء و الضرب بالكوع في ضهر فخر الدين! مفيش حاجه اتحسبت و أكن مينفعش حاجة تتحسب.
وواصل قائلا: مش دي الكورة المصرية يا جماعة و لحد امتي هيفضل السيناريو دة يتعاد!! لا و في وجود ڤار يا فرحتي و احنا داخلين علي 2025، ازاي كده بجد يا جماعة، في كور مش محتاجة كلام او اعادة، في كورة بتبقي محتاجه قرار حاسم و في وقتها، اية الرسالة اللي عاوزينها توصل من كل الاخطاء دي!!
واستكمل: دلوقتي اي حكم في مصر بيخاف يروح الڤار عشان التسريبات و الحديث اللي اتسرب قبل كده، كله بيكبر دماغه و يقول عادي نظلم اندية و عادي اندية تاخد بطولات بسبب ان الحكام خايفة من التسريبات! الموضوع ده لو استمر يبقي علي الكورة المصرية السلام، في مشاكل واضحة انسي نظرية المؤامرة لان دي اخطاء و ازمات من بداية الدوري مش ماتش ولا اتنين!!
