شن مروان حمدى لاعب نادى بيراميدز هجوم على سيد عبد الحفيظ مدير الكرة السابق بالنادى الاهلى.
مروان حمدي وفى تصريحات تلفزيونية له منذ قليل قال : بالنسبة لسيد عبد الحفيظ، انا مش عارف أقول عليه كابتن سيد ولا سيد، هو شخص فقد احترامه بالنسبة لى.
ظهر فى أحد البرامج وقال عليا قليل الأدب، ومن يحاوره لم يقاطعه ويستنكر هذا الأمر، ويقول له عيب تقول كده على حد مش موجود، ومش هيعرف يرد.
هو قال كدا عليا بعد موقفى وأزمتى مع جمهور الاهلى اللى اعتذرت عليها أكثر من مرة، لكن لم يتحدث عن أزمة حسين الشحات مع الشيبي.. كان فين ساعتها.. وهل طلع قال كدا.
ووجه له رسالة قائلاً : هو المبدأ عندك ايه حسب الهوى والمصلحة.. ولو كنت حقانى، كنت طلعت اتكلمت وقت أزمة الشحات والشيبى.
كان ممكن ارد عليه واقوله انت قليل الادب، ودى حاجة سهلة، لكن انا مش هعمل كدا، وازمة الشحات والشيبي، أثبتت مين عندة مبدا ومين قليل الادب.
وتبقى كلمة بعيداً عن حديث مروان حمدى : يا جماعة الخير لا فى مبادئ فى الاهلى ولا الكلام دا، دى كلها شعارات فارغة فى الدرج بتطلع وقت الحاجة اليها، والكل عارف كدا، هى بس إكليشيهات بيرددها الاعلام الاحمر، وانا عارف وحضرتك عارف وكل الناس عارفة ان مفيش الكلام دا، وكلها مصالح وبس.. واللى مش عارف كدا عندة مشكلة.
