وجه الاعلامى محمد المحمودي المذيع بقناة أون تايم سبورت ما وصفه برسالة تحذير الى الكابتن حسين لبيب رئيس نادى الزمالك.
الرسالة بخصوص عبد الله السعيد لاعب الزمالك الذى ينتهى تعاقده مع الزمالك بنهاية الموسم الحالى، وسط أخبار عن عرض ليبى وصل لـ اللاعب.
وعبر برنامجه التلفزيوني قال المحمودي : رسالتى للكابتن حسين لبيب، خد بالك من عبد الله السعيد، انا عارف انك مشغول فى ملف زيزو، بس خلى بالك من عبد الله السعيد.
اللاعب عندة عرض مميز من ليبيا، وهو بيتعامل معاك بـ إحترافية، وبيقول أنه بيعيش أفضل أيام فى الزمالك، لكن العرض الليبى مالياً قوى جداً.
ودا يخلينى أقولك خلى بالك، اللاعب له مستحقات متأخرة، ومحدش اتكلم معاة فى تجديد العقد لحد دلوقتى، وانا عارف ان المجلس مشغول بملف زيزو.
عبد الله لاعب محترف، وممكن فى لحظة يقولك انا كنت سعيد معاكم فى الفترة الاخيرة، وكانت سنه سعيدة، وانا ماشى.
