يمر الزمالك الان بفترة عصيبة لا تخفى على أحد، من أزمات مالية، ونوع من عدم الاستقرار بصفة عامة.
هذه الفترة تحتاج الى تكاتف كى يعبرها النادى، والتكاتف هنا ليس فكرة أساعد النادي في صفقة أو أقوم بدفع أموال فى صفقة لاعب أو تجديد عقد لاعب .. لا ليس هذا هو ما نقصده.
التكاتف هو أن يساعد أبناء النادى ومحبيه، لعمل نظام قوى فى النادى، وعمل فكر استثمارى يجعله لا يحتاج الى أحد، ويجعله جاذب للرعاة ولـ المستثمرين، ولـ اللاعبين، على طريقة لا تعطينى سمكة، ولكن علمنى أصطاد السمكة، حتى لو احتاج الامر موسم انتقالى لتطبيق هذه الفكرة للنادى بصفة عامة.
بالمناسبة الفكر الاستثمار لا يحتاج رجال أعمال ولا يحتاج مستشارين اقتصاديين، هو فقط يحتاج حد يعرف اسم الزمالك وقيمة وحجم هذا الاسم، ويسوق الزمالك، ويجيب فلوس.
محتاج منظومة والابتعاد عن فكرة الـ أنا .. محتاج نظام مؤسسي ، يجى مجلس يمشى مجلس الدنيا ماشية، محتاج منظومة إعلامية قوية، والزمالك مليء بنجومه فى الإعلام.
محتاج ناس تحب النادى، وتفكر خارج الصندوق، محتاج تصدق انك الزمالك من أكبر 4 أو 5 قلاع رياضية فى افريقيا والشرق الاوسط، وإسمه دا براند.
لازم الزمالك واللى بيديروا النادى أياً كان يعرفوا ان دا الزمالك، لا عمرة هيقف على لاعب، ولا على مدرب ولا على مسئول.. احنا محتاجين حد يحب النادى يخدمه من قلبة من عشان الشو ولا المنظرة.
صدقونى ليست مجاملة ولا شعارات، الزمالك حاجة كبيرة أوى، محتاج بس نظام وترتيب وهدوء وعقل، والأمر أسهل ما يمكن، فقط وبكل أمانه البحث عن مصلحة الزمالك.
وعلشان أكون صريح النهوض بالزمالك محتاج التحرك على عدة محاور، وعايز خطتين، خطة بعيدة الامد لـ خمس سنوات، وخطة على مدار سنتين، ويكون فيه صراحة مع الجمهور، ونعرف اللى بيتم تدبيره ضدنا .. واظن الجملة الاخيرة دى واضحة.
الكلام دا بصفة عامة..
