رفض الإعلامي مينا ماهر المذيع في قناة نادي الزمالك نغمة اليأس أو التقليل من الفريق الأول لكرة القدم بنادي الزمالك قبل مباراة القمة القادمة أمام فريق النادي الأهلي.
المباراة التي سوف تكون في الجولة الخامسة عشرة من مسابقة الدوري مساء بعد غداً السبت على ملعب استاد القاهرة الدولي.
مينا ماهر من خلال تصريحات تليفزيونية عبر قناة نادي الزمالك تحدث قائلاً:
احنا الزمالك يا جماعة يعني مفيش مستحيل ابدا ، ماتش ارتا سولار كنت محتاج ٤ اهداف في الشوط التاني و الناس في المدرجات بتقول احنا اللي هنجيب المكسب احنا بصوتنا هنرجع الفرقه تاني لدور المجموعات.
وتابع: كسبنا ٤ بمحلمة في التالتة يمين و كل الملعب ، الفوارق مش كبير للدرجة و نغمة الاحباط دي مش هدفنا ولا لمصلحة الفرقه ، انت لاعب زمالك بطل ابطال افريقيا و علي حساب الاهلي من كام شهر .
وواصل مينا ماهر تصريحاته: منتظرين الفرسان منتظرين ١٥ الف اسد في المدرجات التالتة يمين ، جمهور الزمالك هو اللاعب الاول للنادي علي مر الظروف ، منتظرين تالتة يمين ستاد القاهرة تكون متقفلة يوم السبت في الديربي امام الاهلي
