نشب ما يشبه جدل وخلاف فى وجهات النظر بين خالد الغندور لاعب الزمالك السابق وبين شادى محمد لاعب الاهلى السابق.
الخلاف جاء عندما تحدث الغندور أن الزمالك سيكون شكله مختلف فى مباراة القمة اليوم امام الاهلى، وانه سيقدم اداء مميز.
وعن محاولة التقليل من الزمالك قال الغندور : بامأرة ايه الناس بتقول الاهلى يكسب، عشان كسب الاسماعيلي بنتيجة اربعة، الاسماعيلى كان بيلعب بشباب عندهم 19 سنة، واتعادل مع انبي وفاركو. والأهلي من الاساس مكسبش الزمالك اخر 3 مباريات، ومش عارف ليه الناس بتصور إن الاهلى مرعب ولا يقهر.
ليرد شادى محمد : لا الاهلى فريق مرعب لاى خصم ولاى نادى ولاى منافس، ومش علشان وقع فى أكثر من مباراة يبقى هيكرر نفس الخطأ.
واستكمل شادى محمد : الأهلى بياخد كل حاجة كل سنة، ولازم يلعب ماتش القمة علشان الفوز، وعلشان المكسب.
ليرد الغندور متسائلاً : هو الاهلى اتعادل كام مباراة هذا الموسم، مؤكداً أن الاهلى تعادل مع فرق أقل منه فى المستوى، طب اتعادل معاهم ليه.
واختتم خالد الغندور : الاهلى فى مجموعته فى دورى الابطال لع الثانى، يعني المستويات متقاربة، الاهلى مش مرعب ولا حاجة، هو فريق جيد.
