حرب كلامية نشبت فى الساعات الأخيرة بين عصام الحضرى حارس مرمى منتخب مصر والأهلى السابق، وبين مذيع قناة الاهلى سلطان زمانه.
وعلى خلفية تصريحات تلفزيونية متبادلة، وبوست لـ مذيع قناة الاهلى رد عصام الحضرى عليه بكلمات قوية..
وعبر صفحته الشخصية على موقع التواصل الاجتماعى فيس بوك كتب عصام الحضرى رداً على سلطان زمانه قائلاً :
بتكلمنى عن الثقافة 🤔
وكانت فين الثقافة وانت مطرود من شغلك وقاعد فى البيت مرة واتنين لمخالفتك القواعد المهنية فى الإعلام ومتعلمتش ،
وكانت فين الثقافة وأنت بتتوقف لإثارة الفتن والتعصب ومتعظتش ،
وكانت فين الثقافة وأنت بتهدد رئيس لجنة المسابقات بالرحيل وبتحرض الجماهير على الشغب والتجاوزات ومخوفتش ،
وكانت فين الثقافة وأنت مثل حى للتلون والتطبيل وتغير المواقف يا مثقف عصرك واوانك ..
وتابع عصام الحضرى فى بوست اخر :
فعلا .. اوعى تدخل فى جدال مع جاهل قال على نفسه مزور ، وجاهل قال على نفسه سلطان زمانه ، وجاهل حافظ كلمتين بيتاجر بيهم ، وقال ايه كده بقى مثقف مش معهد تعاون ، صدق اللى قال رمضان بطيخه بقى مونامور
