علق الاعلامى أحمد عفيفى على المشهد العبثى للكرة المصرية فى ظل تهديد الأهلى بالانسحاب من القمة، موجهاً رسالته لجمهور الاهلى.
وعبر صفحته الشخصية على موقع التواصل الاجتماعى فيس بوك أحمد عفيفى قائلاً :
معجب جدا بالناس اللي بتقول "انا اهلاوي لكن مش عاجبني التصعيد والبيان … الخ"
اظن الشخص ده صادق
هو حاسس انه بيشجع نادي وراسم له تصور في خياله، والتصرفات الحالية لا تعبر عن تصوراته (المُتخيلة)
لا يا عزيزي، تصوراتك هي اللي رومانسية، هو ده بالضبط النادي اللي انت بتشجعه
يمكن انت بتحب تتابع الملعب وبتعتبر كل اللي بره الملعب خناقات ملكش علاقة بيها، بس في كل مكان في العالم اللي بيحصل داخل الملعب هو انعكاس للي بيحصل خارجه
واللي بيحصل خارجه هو اننا هنعمل اي شي وهيتعمل لنا اي شي وهناخد كل شي وعندنا ناس كتير تصدق اللي هنقوله وبما انهم كتير فمحدش هيغامر بمستقبله ويقف قدامهم، لأن في مصر لو عدد كافي من الناس ضدك مبيبقاش مهم انت صح ولا غلط، عدد كافي من الناس ضدك بتعني انك مشكلة ورحيلك هو الحل لتهدئة الناس،واللي هييجي بعدك ذكي وهيتعلم الدرس من غير معلم
هو ده النادي اللي انت بتشجعه، هكذا ولد وهكذا عاش والقوة دي هي اللي انعكست جوه الملعب وبالتالي انت عرفته وعجبك وشجعته ثم مع شوية مكسبات طعم (مباديء واخلاقيات) صدقته، واجه الحقيقة
