أزمة القمة بالامس والان بعد 24 ساعة من الازمة، خطر فى بالى بعد الاسئلة نحن دائماً نسألها هنا فى الزمالك اليوم.
الاهلى عمل ازمة وبدون لازمة، وهو يريد تحقيق مكاسب على المدى القصير والمدى البعيد، ولكن تبقى اسئلة بالعقل والله.
منذ متى وخسر الاهلى الاهلى بطولة بسبب التحكيم، يعنى بجد : إمتى الاهلى خسر بطولة بسبب التحكيم، على العكس هو اكثر نادي استفاد من التحكيم، و60% من بطولاته بالتحكيم والمجاملات، هو احنا هنضحك على بعض.
الموسم دا تحديداً وعلى سبيل المثال : هل خسر الاهلى نقط بسبب التحكيم : نعتقد لا .. على العكس فاز فى حوالى 4 مباريات او 5 بالتحكيم.
وعلى مدار التاريخ لم يخسر الأهلي بطولات بسبب التحكيم، وعلى العكس التحكيم المحلى كان له دور كبير، وإن كنتم نسيتم اللى جرى، هاتوا الدفاتر تنقرا كما يقول المثل الشعبى يامسئولين الاهلى.
وبمنتهى الامانه لو لم تتم مجاملة الاهلى على مدار العقود الماضية من التحكيم اللى هو بيهاجمه دلوقتى، تعالى نحسب ساعتها عدد البطولات هيكون كام، والموسم دا ترتيبك هيكون كام.
الاهلى نقاط بلا حساب من التحكيم، ومباريات تم إهدائها له بالتحكيم، ودا الشيء المضحك فى الموضوع.
مشكلة الأهلي ياسادة انه فاكر نفسه فوق الجميع بجد، ودى مش حقيقة، الاهلى جزء من منظومة، لازم يمشى معاها، إنما شغل العجرفة بتاع شوية الاعلاميين بتوعه دا مش هينفع.
وفكرة التحكيم فعلاً والاستعانة به للاعتراض على شيء دا امر تعدى مرحلة الضحك والهزار، لان الاهلى اللى عمله وعمل تاريخه هو التحكيم ، واللى مش شايف كده هو حر.
وأخيراً : الزمالك اليوم يحذر من مخططات الاهلى لأشياء معينه، علينا جميعا الحذر منها، لأن الاهلى لا يهمه الا مصلحته، ولا وطنية ولا البلد، الاهلى لا يهمه إلا الاهلى.
