سخر الكاتب الصحفي والمحلل الرياضي خالد طلعت من الحديث عن حديث بعض جماهير الأهلي عن رفض بيراميدز طلب حكام أجانب لمباراة الفريقين القادمة في الدوري
المباراة التي سوف تكون في الجولة الثانية من مرحلة حسم الدوري يوم 12 أبريل المقبل على ملعب استاد الدفاع الجوي
خالد طلعت من خلال حسابه على موقع التواصل الاجتماعي فيسبوك تحدث قائلا:
أنا شايف أهلاوية كتير كاتبين خبر ان بيراميدز مطلبش حكام أجانب لماتش الأهلي ومستغربين من كده وبيقولوا ان بيراميدز عايز حكام مصريين !!
يا جماعة ماتش أهلي ايه اللي انتوا بتتكلموا عليه ؟؟!! هو مش مجلس ادارة الأهلي وكابتن الخطيب قالوا ان الأهلي لن يستكمل الدوري لو ماتش الزمالك متعادش !!!
واحنا كلنا واثقين في كلامهم ومتأكدين انهم رجاله ومبيرجعوش في كلامهم خالص ، يبقى ماتش اهلي وبيراميدز ايه بقى اللي انتوا بتتكلموا عنه وبيراميدز هيطلب حكام اجانب ليه لماتش مش هيتلعب اساسا ؟؟!!!
