علق الاعلامي كريم رمزي على قرارات رابطة الأندية الأخيرة بالأمس بتخفيض عقوبات الأهلي الخاصة بالانسحاب من مباراة القمة
حيث قررت الرابطة تعديل العقوبات والاكتفاء فقط بخصم نقاط المباراة من الأهلي ومنحها للزمالك دون خصم ثلاثة نقاط إضافية نهاية الموسم
خاصة ما يتعلق بمبررات رابطة الأندية واستخدامها بند في اللائحة يتحدث عن الظرف القهري لانسحاب الأهلي من مباراة القمة
كريم رمزي من خلال حسابه على موقع التواصل الاجتماعي اكس تحدث قائلا:
بص يا محترم يا صاحب القرار ..
لو انت قدرتها ظروف قاهرة .. فالظروف القاهرة زي ما انت قايلها في اللائحة بتاعتك حروب وزلازل وفيضانات.. وده مش اللي منع الاهلي من مباراة القمة وبالتالي يبقى العقوبة تتعمل كاملة دون تغيير..
ولو انت أقريت ان الأهلي كان بيبحث عن العدالة للجميع وانه متعمدش الانسحاب زي ما قولت في بيانك يبقى اعترافك ده يقول ان مباراة القمة تتعاد والاهلي ميتخصمش منه نقاط..
لكن منطق تعالى نقسم البلد نصين ده بيتعمل في بيعة حمولة طماطم على عربية كارو.
