نفى المحلل الرياضي أحمد عطا الأخبار والتصريحات المنتشرة على لسانه بأن جمهور الزمالك يتمنى فوز بيراميدز على الزمالك فى بطولة الدورى كى يفوز السماوى ببطولة الدورى.
على اعتبار أن الزمالك سيفوز ببطولة كأس مصر على حساب بيراميدز، وبالتالى كل فريق فاز ببطولة، فى إشارة لشيء ما قد يحدث.
وعبر صفحته الشخصية على موقع التواصل الاجتماعى إكس كتب أحمد عطا موضحاً نافياً :
البوست العبيط ده منتشر عن تصريحات مزيفة على لساني .. بعتهولي صديق فتجاهلته لكن أكتر من صديق بعدها بعتلي ولقيت إنه كذا صفحة ناشرة نفس الكلام المضحك ده فلازم أنفيه
أنا ولا قلت ماتش الكاس كدة كدة مضمون لبيراميدز وولا قلت جمهور الزمالك هيروح الملعب يشجع بيراميدز ضد الأهلي
أي طفل عنده باتنين جنيه عقل هيعرف إني مقلتش كدة (لدرجة إن بعض أصدقائي الأهلاوية اللي عارفين إني مقلش كدة هم اللي بعتولي أصلًا عشان أرد) وعلى أقل تقدير اللي عايز يعرف حقيقة الكلام ده هيبص على الفيديوهات عشان يعرف السخف ده اتقال فعلًا ولا لأ
فالمنظر بائس أوي واللي بينشر الكلام ده مثير للشفقة حقيقي
