علق شريف إكرامى حارس مرمى نادى بيراميدز على بوست غريب ومريب لـ أحد المواقع يسأل فيه عن نهائى دورى أبطال أفريقيا.
السؤال الغريب كان كمشجع مصرى هتشجع مين فى نهائى دورى ابطال افريقيا بيراميدز ولا صنداونز، لـ يستنكر شريف اكرامى هذا السؤال.
وعبر صفحته الشخصية على موقع التواصل الاجتماعى إكس كتب شريف إكرامى متعجباً ونحن معه :
لما فريق مصري يوصل نهائي دوري أبطال أفريقيا قدام فريق أجنبي، الطبيعي من إعلام المفترض حياديته إنه يدعمه، مش يسأل الناس هتشجع مين!!!
بعيدًا عن انتماءات الجماهير، الإعلام اللي بيحط فريق مصري وفريق أجنبي على نفس الكفة، بيزرع بذور التعصب قبل ما يفقد احترامه ومهنيته..
التعصب مش بيبدأ من الجماهير..
التعصب بيبدأ من إعلام فقد ضميره..
فا ما تستغربش لما الناس تتفرق..
اللي فقد حياده فقد احترامه ومهنيته قبل ما يفقد جمهوره.
