علق عمرو وهبى المرشح السابق للجنة تعاقدات الزمالك، على ملف اللاعب احمد سيد زيزو لاعب الفريق حتى الان، ولاعب الاهلى الاهلى المنتظر.
اللاعب الذي يسعى بكل الطرق لاكتساب عداوة وكراهية جمهور الزمالك بدون داعى، حيث الغياب عن المران لأكثر من 22 يوم، ويرفض المثول للتحقيق لاسباب وهمية، ليعلق عمرو وهبى على المشهد العبثى.
وعبر صفحته الشخصية على موقع التواصل الاجتماعى فيس بوك كتب عمرو وهبى معلقاً على المشهد :
ياجماعة بقى كفاية موضوع زيزو ده....
عيب بقى بلاش قلة قيمة .... الزمالك اكبر بكتير من اللى بيتعمل ....
العقود مده ومستحقات .... ربط مدة العقد بتاريخ سداد القسط فى اول يوليو... العقد ينتهى بنهاية الموسم... ياريت نركز شوية فى اللوائح...وبلاش تفسيرها غلط لان المدة والمستحقات مالهمش علاقة ببعض....
يعنى احنا بنستهلك وقت وتفكير بس علشان نمنعه من كاس العالم (ياسلام) ولو نجحوا فى ده هل هذا هو الانجاز اللى هيرجع هيبة النادى....
كفاية بقى شغل كيد...
ياجماعة اللى بينصح المجلس وبيفكر له ....
خد حقك منه بأدله قانونية...مثلا اثبت عليه موضوع التأشيرة لامريكا ...ولكن اى حجج تانية غير قانونية....مش مقبول
ياريت ينصحهم ان يعملوا للغد ... وليس ضياع وقت على الماضى
للتوضيح...
لست هنا اتحدث عن مباراة نهائي كأس مصر.... ولست أشير عن التخلى عن اى حقوق للنادى...ولكنى اتحدث عن محاولة إيجاد اى ادله واهية بدون سند قانونى... وهو ما المح اليه المسئولين بالنادي عن ربط مده العقد بتاريخ استحقاق اخر قسط للاعب
