علق الناقد الرياضى عمرو الدردير على فكرة تقديم جوميز المدير الفنى السابق للفريق شكوى ضد الزمالك.
هذه الشكوى التى تسبب اندهاش كبير لجمهور الزمالك، كون الرجل رحل والمفترض أنه سدد الشرط الجزائي لأنه هو من طلب الرحيل، والمفترض انه تم تسوية كل الأمور المالية معه.. بس ما علينا علشان احنا تعبنا.
هذه الشكوى جاءت بالتزامن مع شكوى ميشالاك لاعب الفريق السابق الذى يطلب كل عقده، ويطلب تعويض، لـ يُبدى الدردير اندهاشة من هذه الأمور ونحن معه.
وعبر صفحته الشخصية على موقع التواصل الاجتماعى فيس بوك كتب عمرو الدردير قائلاً :
أول ما الزمالك خرج من دوامة الديون وفك القيد ورجع يتنفس من تاني… فجأة بدأ الهجوم!
جوميز، اللي هرب وساب الفريق من غير كلمة، راجع يطالب بتعويض!
وكونراد ميشالااك، اللي أصلاً ما قدّمش أي إضافة، وبالنسبة لنا كان “صفقة شفقة” لإن ناديه مش عايزه، هو كمان فجأة بيشتكي!
الاتنين ظهروا في نفس التوقيت… بعد ما الزمالك اتنفس.
فكر في ده شوية…
ليه كل حاجة بتهدى شوية… وتلاقي الدنيا ولعت تاني؟
ليه كل ما نقرب نستقر… تيجي ضربة من بره؟
لسه بتسأل الزمالك مش قادر ينافس ليه؟
المعركة مش بس في الملعب… المعركة على بقاء نادي!
