حرص أمير مرتضي منصور المشرف العام على فريق الكرة السابق على توجيه رسالة الى محمد عبد الشافى لاعب الفريق.
اللاعب الذي سيعتزل كرة القدم رسمياً مع نهاية الموسم الحالى، ويُثبت كل يوم أن الاخلاق باقية مهما حاول البعض، أن يقدموا نموذج أخر، لكن فيه عبد الشافى.
وعبر ستوري صفحته الشخصية على موقع التواصل الاجتماعى أنستجرام كتب أمير مرتضى منصور قائلا :
أقل لاعب سمعت صوته وأكثر لاعب شوفت حبه واحترامه للزمالك ولزمايله، عمري ما سمعته بیشتم أو بيحقد أو بيغيير أو بينفسن أو بيكره أو مكشر.
اللاعب الوحيد اللي عمره ما قالي فلوسي متأخرة ولا قالي عندي قسط لازم أدفعه ولا عمره قالي أنا مش بلعب ليه، اللاعب الوحيد اللي قالي همضي على بياض وحط الرقم اللي يناسب النادي، كابتن من كباتن الفريق .
لما رجع الزمالك ولقى لاعب تاني أحدث منه بسنين لابس رقم زي 13 قالي أنا مش عايز الرقم هو أولى بالرقم مني، عمره ما كلم صحفي ولا صفحة ولا ليه في الشغل ده عمره ما استفز المنافس ولا جمهوره.
أنا اتشرفت إني اتعاملت معاك وإني عاصرتك في الملعب وبره الملعب، لو في حد يستحق لقب أسطورة هيبقى محمد عبدالشافي ولو عندي ولد اتمنى أشوفه في احترامك وأخلاقك موهبتك.
