زعلان أوى الاعلامى ابراهيم فايق من تصريحات الوزير أشرف صبحى وزير الشباب والرياضة، اللى مقلش حاجة الا أنه فكر الناس بالماضي.
وإن كنتم نسيتوا اللى جرى هاتوا تصريحات المستشار تركى الشيخ وراجعوها واليوتيوب مش بيكذب ولا بيتجمل ..
انتقد الاعلامى ابراهيم فايق حامى حمى الاهلى الان تصريحات الوزير أشرف صبحى الذى تحدث فيها عن مساندته للأهلى فى أزمته مع المستشار تركى الشيخ فى 2018" ازمة الهدايا والساعات".
إبراهيم فايق زعلان أوى وقال .. استمعت بالأمس لـ تصريح غريب من وزير الشباب والرياضة وحسيت إني رجعت بالزمن، وتصورت أنه تصريح مفبرك، لكن وجدته حقيقى.
وواصل إبراهيم فايق اللى زعلان اوى حديثه وقال : مش فاهم يا دكتور أشرف إيه لازمة الكلام دا، وهل دا توقيته، وتشعر وكأنه تصريح هارب من سنة 2018، وتم تكرارها فى 2025، ولا يوجد مبرر لهذا الحديث الان.
واستطرد على عهدته : الاهلى فى أمريكا فى كاس العالم للاندية والدنيا كلها فرحانة، فما هو الهدف من هذا التصريح.. والأمر المهم أين السؤال الذي يستوجب هذا الرد.
الأستاذ خيري رمضان سألك سؤال .. ليه مش بتدعم الأهلي؟ ليه مش بتروح هناك؟ ليه بترد بالكلام دا اللى مش وقته، وتتحدث بتصريحات ليست فى مصلحة الكرة المصرية.
وأتم : ياريت الوزير يطلع يقول ايه لزوم التصريحات دى دلوقتى، فى هذا التوقيت الغريب.
وتبقى كلمة ليس دفاعاً عن الوزير، لزوم هذه التصريحات الكلام اللى ملوش لازمة من الاعلامى خيرى رمضان منتقداً الوزير أنه "قال إيه" مش بيدعم الاهلى.
نادى مدعوم من كل المنظومة بما فيها الوزير على فكرة، يطلعوا يقولوا مش مدعوم .. الحقيقة الواحد مش عارف يقول ايه.
