انتقد الإعلامي عمرو أديب، لاعب النادى الاهلى ومدافعة ياسر إبراهيم، والذى تنمر وسخر من الأرجنتيني ليونيل ميسي، لاعب نادى إنتر ميامي الأمريكي.
وخلال مباراة الفريقين التى أقيمت منذ أيام في بطولة كأس العالم للأندية، على الاراضى الامريكية، سخر ياسر إبراهيم من ميسي، ووصفه باللاعب القصير.
عمرو أديب عبر برنامجه التلفزيوني قال : انا شعرت بحالة حزن من هذا التصرف، ودا سلوك مش رياضى ان لاعب فى الاهلى يتنمر على ميسي ويقوله انت قصير.
طب ما انت لاعب طويل، عملت ايه يعنى .. انت عارف مين دا، أنت قدام شخص وحالة غير طبيعية.
انا عملت معاه 3 حوارات من قبل، لو تعرف مين دا كإنسان، دا شخص مش طبيعى، وإزاى تشاور لـ ميسي وتقوله انت قصير، هو يعنى الطول كان عملك ايه.
اللى حصل دا عيب، الرياضة أخلاق وسمو، ومعلش يعنى ميسي ورونالدو مش حاجة بسيطة، وعملوا أرقام مش قليلة فى تاريخهم، هتقعد انت والنادي بتاعك 100 سنة مش هتعملوا ربع هذه الأرقام.
