علق الناقد الرياضى محمد ناصف على فكرة رحيل أحمد سمير مدرب الزمالك عن الجهاز الفنى لنادى الزمالك.
حيث يرى أنه الأفضل للاستمرار فى الجهاز الجديد لعدة أسباب منها التعامل مع البلجيكي يانيك فيريرا، حيث سبق ولعب أحمد سمير فى بلجيكا.
وعبر صفحته الشخصية على موقع التواصل الاجتماعى فيس بوك كتب محمد ناصف قائلاً معلقاً :
مع احترامي لأصحاب القرار لو فعلا حازم امام لم يتم توجيه الشكر ليه عشام مكمل مع الجهاز الفني الجديد فكان الاولى ان احمد سمير اللي ساب الفريق اللي كان ماسكة ودفع الشرط الجزائي من جيبه عشان يكون موجود في جهاز كابتن ايمن الرمادي هو اللي يكمل
الراجل لعب في بلجيكا وبيتكلم لغتهم يعني يقدر يتعامل مع المدير الفني البلجيكي بكل سهولة ويقدر يساعد في الترجمة للاعيبة وهيسهل حاجات كتير في طريقة التعامل وتوصيل التعليمات من المدير الفني للاعبين وهو مشروع زي احمد مجدي استمراره كان افضل من اي اسم تاني
مينفعش تجيب مدرب بلجيكي وعندك ابن من ابناء النادي لعب في بلجيكا وتقرر تستغنى عنه وتسيب اللي معندوش خبرات ولا لعب بره ولا بيتكلم لغة هو اللي يكمل يا جماعة لما تعملوا حاجة فكروا في كل تفاصيلها وتوفير المناخ الجيد عشان تنجح احمد سمير افضل اسم ممكن يكون مع فيريرا كمدرب مساعد مصري مش محتاجة حد يقولكم كلام زي دا
