رد الكاتب الصحفي صبحي عبد السلام على غضب أبناء نادي الزمالك من أنباء تعيين أشخاص من خارج النادي في مناصب حيوية.
وذلك عقب تعيين جون إدوارد مدير رياضي في النادي، والحديث عن تعيين عبد الناصر محمد مديرا للكرة
وهو ما تسبب في غضب الكثير من أبناء نادي الزمالك معتبرين أن أبناء النادي أولى في تلك المناصب.
وكتب صبحي عبد السلام من خلال حسابه على موقع التواصل الاجتماعي فيسبوك قائلا:
على فكرة كل الحب والاحترام لكل ولاد النادي لأنهم أصله وتاريخه، وكثير أوي منهم أصدقائي وأخواتي، ولكن ولاد النادي كانوا موجودين ولقب القرن بيتسرق، ولاد النادي كانوا موجودين، وفشلنا من ربع قرن في الفوز بلقب دوري الأبطال، ولاد النادي كانوا موجودين واحنا بنتفرج على كاس العالم للأندية سنويا على القهوة، ولاد النادي كانوا موجودين وأزمات القيد مستمرة، ولاد النادي كانوا موجودين، ومجلس الإدارة بيتحل مرات ومرات، ولاد النادي كانوا موجودين، والعواصف المالية بتهد فيه بشكل دائم، ولاد النادي كانوا موجودين ونهائي القرن بيتسحب من الزمالك في وضح النهار، ولاد النادي كانوا موجودين والداهية أمام عاشور بيتنقل للنادي المنافس، بدون كلمة اعتراض، ولاد النادي كانوا موجودين ونجم الفريق الوحيد زيزو بيروح الأهلي، بشكل غير مشروع وعيني عينك ومحدش فتح بوقه، ولاد النادي كانوا موجودين، ولكن على شاشات التلفزيون كمحايدين، وسط كل هذه العواصف للمحافظة على السبوبة، ولاد النادي خدوا حقهم شهرة ونجومية وفلوس، طب تعالوا نجرب نشتغل بشكل احترافي، ونبعد ولاد النادي خطوتين لورا، وبرضو هيفضل البيت بيتكم، يمكن الزمالك يرجع.!
