وصل الينا عدد كبير من التعليقات بخصوص غضب أبناء الزمالك أو اللاعبين السابقين من جون إدوارد المدير الرياضى، ومن بعض القرارات التى يتخذها فى تعيين أشخاص من خارج الزمالك..
بهدوء شديد وبالراحة : نحن لا يهمنا الا مصلحة الزمالك، ونعتقد أن الزملكاوية لا يهمهم الا مصلحة الزمالك.. ودعونا نعلق على الأمر ببعض الوقائع..
النقطة الاولى : قناة الزمالك بالأمس أعلنت عن وصول المدرب الجديد فيريرا للقاهرة، والرجل زار القاهرة منذ أسبوع تقريباً واتفق على بنود العقد ثم غادر الى بلاده،
السؤال ومن الاخر : هل حد من الصحافة والإعلام عرف حاجة زى دى… لا .
يبقى الراجل بيعمل فى سرية، ودا مطلوب، احنا فضلنا نصرخ فى السنوات الاخيرة مثلاً من فكرة اختراق النادى لدرجة أن التشكيل كان بيتسرب في آخر 3 سنين.
النقطة الثانية : فكرة انه مش ابناء النادى أو مش بـ يستعين بـ أبناء النادى .. الكل بيقول اننا فى عصر احتراف.. وهيفرق ايه اى موظف فى النادى أو فى فريق الكرة عن لاعب كرة ممكن تجيبه من الاهلى .. أو مدرب درب الاهلى وتذكروا بيسيرو مؤخراً كان مدرب الاهلى، وأيمن حافظ من قبل.
النقطة الثالثة وبدون زعل : فكرة أن عدد من نجوم الزمالك السابقين يخرجوا دفعة واحدة فى منصات اعلامية احنا عارفين انها ضد الزمالك ومرة واحدة دا امر مش صحى ومش لذيذ ومش مريح.
النقطة الرابعة : لازم نخرج من فكرة الكراسي الموسيقية اللى بقالنا 20 سنة فيها وكانت سبب فى تراجع النتائج وتراجع الزمالك، خلونا نجرب وجوه جديدة لاننا بصراحة احنا جربنا رموز الزمالك، وأدى النتيجة.
النقطة الخامسة : ميزة جون إدوارد السرية .. تصوروا إن احنا حتى مشوفناش شكلة ولا عمل مداخلة ولا عمل اى حوار تلفزيونى لحد دلوقتى.
النقطة السادسة : جربنا ولاد النادى سنين.. وأدى وضعنا ، خلينا نشوف الاحتراف الادارى وندعم اللى موجود.
