تحدث محمود عبد الرازق شيكابالا لاعب نادى الزمالك عن كواليس اتخاذه قرار اعتزال كرة القدم.
القرار الذى تم الإعلان عنه منذ قليل خرج شيكابالا بتصريحات له مع المذيع ابراهيم فايق، ليتحدث عن هذا القرار.
شيكابالا اكد أن القرار كان محسوم بالنسبة له أنه سيعتزل مع نهاية الموسم، لكنه أجل الإعلان احتراماً لزميله محمد عبد الشافي الذي رفض إقامة مباراة اعتزال له.
وواصل : كان من الضروري تكريمه بالشكل اللائق من جماهير الزمالك في نهائي كأس مصر.
رحلتي مع كرة القدم انتهت وحاسس إني قدمت كل حاجة أقدر أقدمها للزمالك وللكرة، وكان لازم أخد القرار ده في التوقيت دا.
ناس كتير طالبتني أكمل سنة كمان لكن أنا شايف إن ده الأنسب لي وللنادي وانا شايف حب الناس ليا وجمهور الزمالك هيفضل يحب شيكابالا حتى بعد الاعتزال، والعلاقة اللي بيني وبين الجمهور عمرها ما هتنتهي.
وواصل : ميدو جالي البيت بنفسه لأنه كان فاكر إن في حد بيضغط عليا علشان أعتزل، وقالي: ماينفعش تعتزل دلوقتي لو مش ده قرارك ولسه فاضل في عقدك سنة وأنت صاحب القرار.
وأتم : أنا اللي قررت الاعتزال بـ إرادتي ومفيش أي ضغوط من أي طرف .. انا اخترت اللحظة اللي أودع فيها الكرة وأنا راضي وفخور.
