أشاد أيمن يونس لاعب الزمالك السابق بتعيين جون إدوارد في منصب المدير الرياضي لنادي الزمالك.
حملة انتقادات واسعة لـ أبناء النادى ومن ضمنهم أيمن يونس، بسبب معارضتهم لـ بعض اختيارات جون إدوارد المدير الرياضى للنادى.
أيمن يونس وصف جون إدوارد بـ"المكسب الكبير" للنادى نظراً لما يتمتع به من ذكاء وقدرة على إدارة المنصب الذي يربط بين الإدارة والفريق الأول.
وواصل : المنصب ده مش بسيط.. لازم يكون فيه شخصية تفهم طبيعة النادي وضغط جماهيره وجون عنده ده وده شيء إيجابي.
وأعرب أيمن يونس عن دهشته من غياب أبناء الزمالك عن هذا المنصب المهم مؤكداً ان الصادم إن ولاد النادي الكبار غايبين عن المشهد..
وأضاف : كان فيه رموز تاريخية مسكت المنصب قبل كده لكن واضح إن الجيل الحالي ما قدمش نفسه بالشكل اللي يليق.
وأبدى يونس استغرابه من غياب الكوادر المؤهلة داخل الزمالك متسائلاً :
فين الدورات؟ فين التأهيل؟ في ناس قاعدة على كراسي مش لايقة عليهم خالص.. ومع كامل احترامي للكابتن عبد الناصر محمد هو راجل عنده خبرة لكن كان نفسي أشوف كادر زملكاوي كبير في المنصب ده.
وأتم : جون إدوارد مكسب فعلاً والمطلوب من الجميع دعمه لإنجاح مشروع الزمالك الجديد.
