علق أحمد حسام ميدو نجم الزمالك السابق على الوضع الحالي في الزمالك عقب عودة الفريق للتدريبات استعدادا للموسم المقبل.
حيث أشاد ميدو بالوضع الحالي من السرية وعدم تسريب أخبار أو صور من داخل الفريق واصفا ما يحدث بالعظمة.
وكتب ميدو من خلالة حسابه على موقع التواصل الاجتماعي اكس قائلا:
اللي بيحصل في الزمالك دلوقتي عظمه وطول عمري بحلم ان فريق الكورة يتقفل عليه ويبقى معسكر الزمالك كأنه ثكنه عسكرية وأنا متفائل خير إن فريق الكورة على الطريق الصحيح..بقالنا سنين بنعاني من تسريب اخبار الفريق بقالنا سنين بنعاني من الناس اللي فاكرين الزمالك ورث شرعي وان الشغل فيه حق مكتسب حتى ولو ماعندكش اي مؤهلات أنا والله ما ليا مصلحة مع أي حد جوه النادي دلوقتي ولا حتى بتكلم مع اي حد جوه النادي لا بكلم حد ولا برد على حد وقررت ان الفترة الحالية ارجع مشجع بس ارجع اروح ماتشات الزمالك من غير ما يكون ما بيني ومابين اي مسؤول في النادي اي كلام وأنا كزمالكاوي مبسوط جدا ومتفائل ان ان شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده
