خرج عليك بعض لجان الاهلى الالكترونية المعروفين، وهو لا علاقة لهم لا بالاعلام ولا بالصحافة يتحدثون ويطالبون بالتحقيق فى الأخبار التى تتحدث عن احتمالية انتقال مصطفى شلبى لاعب الزمالك إلى البنك الاهلي بقيمة 35 مليون جنية، وسيد نيمار بقيمة 30 مليون جنيه.
وبغض النظر عن أنها حتى الآن ليست أخبار رسمية، خرجوا لجان الاهلى، وهم لجان، يطالبون اتحاد الكرة "قال ايه" بالتحقيق فى الأمر، وأن هناك حالة استياء الاهلى.
وباللغة العامية وأمانة عليكم واتحاد الكرة بيحقق يحقق بالمرة يعنى فى عقد لاعب زى أحمد القندوسي اللى كان عقده يتخطى مليون ونصف المليون دولار وملعبش، دا طبعاً غير الكلام اللى قاله عن ان مفيش لاعب بيدخل الاهلى إلا عبر وكلاء معينين.
رضا سليم اللى بمبلغ تقريباً 2 مليون دولار، وتقريباً ملعبش ومشي.
عمر الساعى صفقة الـ 50 مليون، وهى صفقة كيد نساء معروفة يعنى، وراح اعارة ببلاش للمصرى.
موديست ومبلغ يتخطى 3 مليون دولار شامل راتبه.
والكارثة الكبرى اللى هتكلف الاهلى فوق الـ 3 مليون دولار، كولر اللى بيحصل على راتبه حتى الان، وسيحصل على عقده بالكامل فى الموسم القادم.
العقود اللى متسجلة بـ أرقام قليلة علشان الضرائب اللى هى حق الدولة.
وغيره وغيره وغيره .. دول اللى انا فاكرهم بس، وما خفى كان أعظم، فـ اللى بيته من إزاز ميحدفش الناس بالطوب.
