خرج إبراهيم المنيسي، رئيس تحرير مجلة الأهلي، وعدلي القيعي، مدير التعاقدات السابق بالنادي الأهلي، بتصريحات قوية عبر قناة النادي الأهلي ردا على الاعلامي كريم حسن شحاتة.
كريم حسن شحاتة التي خرج بتصريحات أكد فيها تواصل محمود الخطيب رئيس الأهلي مع ادارة بتروجيت لمنع انتقال حامد حمدان للزمالك.
ورغم أن كريم حسن شحاتة من الاعلاميين المنتمين للزمالك التي تتحدث جيدا دائما عن النادي الأهلي الا انه لم يسلم من ردود الثنائي القوية عبر قناة النادي الأحمر.
إبراهيم المنيسي عبر قناة الأهلي وصف تصريحات كريم حسن شحاتة بأنها حاجة غريبة جدًا، لأنه اتهام غير أخلاقي.
وعلق عدلي القيعي عبر قناة الأهلي: “ده من المفاجآت الصادمة ليا يا أستاذ إبراهيم في كريم طبعًا… لانه عكس خطه العام يعني، انت عمال تقول قالوا وبعدين تقول معلومة، هي معلومة ولا قالوا؟
وبتقول مش عارف ليه الأهلي عمل كده أنت مش عارف ليه؟ لأن محصلش .. الأهلي لو دخل على لاعب يبقى داخل عشان عايزه.
وواصل عدلي القيعي تصريحاته قائلا: طب أنا أقول لك سؤال، هو مصطفى شلبي الأهلي لما راح له كانت رغبته يروح فين؟ الأهلي… ودخل الزمالك اتفق مع نادي إنبي وغيروا مسار اللاعب وخدوه، بعدين يقولك في صلة قرابة بين رئيس الناديين، رئيس شركة إنبي وبتروجيت، طب هو مين اللي قالك الكلام ده؟.
وواصل: حامد حمدان ده كان في ناشئي النادي الأهلي، طيب لو النادي الأهلي هنفترض إن هو وقتها مكنش يعني الحاجة ملحة إليه، لو الأهلي شايف إنه محتاجه دلوقتي هيخش يتفاوض عليه زي الزمالك ما بيتفاوض عليه.
واستكمل طب إيه اللي يجبر بتروجيت إنه يسمع كلام غريب؟ هو بتروجيت ده إدارة من إدارات الأهلي؟ يقول لك الكابتن خطيب كلم رئيس نادي بتروجيت عشان يمنع انتقاله للزمالك… يعني أنا لما رئيس نادي ويجي رئيس نادي تاني يقول لك أنا مش عايز اللعيب بس متوديهوش لنادي الزمالك، تسمع كلامي ليه؟.
وتم ختا التصريحات قائلا: فكرة إزاي الكابتن كريم ابن حسن شحاته اللي كل مشواره إنه راجل بيحاول يكون موضوعي إلا قليلًا، بس مكنش بالطريقة دي … عمره ما وصل إلى هذه المرحلة من الضيق ويقولك أنا مش فاهم وإزاي .. وده كلام يقوله؟ دي كلام يخش عقل إنسان؟.
