علق المعلق الرياضى أحمد الطيب على قصة احمد فتوح لاعب الفريق الأول لكرة القدم بالنادى.
اللاعب الذي يطالب الزمالك اليوم برحيله عن صفوف الفريق لأن وجوده سيكون سبب فى أضرار كثيرة للفريق، تحدث أحمد الطيب برأى مختلف عن رأينا، لكننا كما تعودنا معكم ننقل كل الأراء.
وعبر صفحته الشخصية على موقع التواصل الاجتماعى فيس بوك كتب أحمد الطيب قائلاً وجهة نظرة التى نختلف معها كلياً :
فتوح سهران فتوح فى صالة افراح.. فتوح بيحضر حفل لراغب علامة او غيره.. فتوح فى الساحل فتوح فى السخنة فى قرية ساند بيتش B !!! و ايه يعنى. !!
ما يسهر و يفرفش و يدلّع نفسه.. طالما ما بيعملش حاجة عيب او حرام يبقى براحته !!
المهم هو ملتزم فى التدريب و حالته البدنية طبيعية وملتزم بتعليمات الجهاز الفنى والادارى من تكتيك و من ضبط المواعيد وعلاقته بزملائه محترمة !! يبقى تمام.
لكن حكاية انه يمشى و يغور فى داهية و يروح الاهلى مش مهم ! لا لا لا لا لا لا لا بقت لعبة قديمة و مكشوفة.!! إلعبوا غيرها !! فتوح احسن لعيب كورة فى مصر و فى افريقيا كلها فى اكتر من مركز مش مجرد باك شماااال !! إلعبوا غيرها.
ويبقى توضيحة بسيط منا : فتوح مش بيعمل أى حاجة من اللى قالها الكابتن أحمد الطيب، وفتوح مش احسن لاعيب فى مصر ولا حاجة، وكفاية نفخ فى لاعيبه، فتوح ممكن يكون موهوب، لكن كم من مواهب ضاعت بسبب دماغها.
