وجه الكاتب صبحي عبد السلام رسالة الى كل من يعترض على تعيين جون إدوارد في نادي الزمالك حاليا.
حيث طالب بضرورة دعم التجربة ودعم دون ادوارد من أجل صالح نادي الزمالك خلال الفترات القادمة
صبحي عبد السلام من خلال حسابه على موقع التواصل الاجتماعي فيسبوك كتب قائلا:
أنا لو مش حابب جون إدوارد، فانا أكيد بحب الزمالك، علشان كده مش ممكن احارب الراجل، وهحط لساني جوه بوقي، وهسيبه يكمل مشروعه، بل وهدعمه علشان ينجح، لأنه هيكون نجاح للملكي، دعم النادي والمنظومة وجون دلوقتي، فرض عين على كل زملكاوي بيحب النادي، سواء كان "صحفي" أو إعلامي، أو عضو جمعية عمومية، أو مجرد مشجع زملكاوي، أو حتى عضو مجلس إدارة، وحط تحتها الأخيرة ي ١٠٠ خط، اللي بيحب الزمالك يسكت ويسيب جون يشتغل، والحساب يجمع في نهاية المشوار، وأنا عموما مطمن لأن الراجل بيشتغل بمهنية، وواضح انه شخص قوي، وعنيد وعنده برود انجليزي، ومش سهل يستفز أو يهرب أو ينط من المركب، ملحوظة أنا لا اعرف جون إدوارد، ولا اتقابلت معاه قبل كده، ولا صاحبي ولا هصاحبه ولا عايز اشوفه، كنت فين من زمان يا عم جون ؟!
وياريت تركزوا شوية مع بتوع العقود المزورة والتهرب الضريبي، ولا دي صعبة عليكم ؟!
