دخل رامي نصوحي عضو مجلس ادارة نادي الزمالك في مشادة مع سامح سوني عضو الجمعية العمومية في الزمالك والمرشح السابق على منصب عضو مجلس الادارة.
البداية كانت من منشور لـ سامح سوني عبر فيسبوك يسأل عن رئيس نادي الزمالك حسين لبيب عندما تحدث قائلا:
جماعة معلش هو في إستفسار بسيط ..
هو فين رئيس نادي الزمالك !؟
ليرد رامي نصوحي عضو مجلس ادارة الزمالك على هذا المنشور قائلا:
انا عارف انك اتعودت ان رئيس النادي يطلع كل يوم يسب ويشتم بس ده مش اسلوبنا بس لو هو وحشك قوي ممكن تيجي النادي تشوفه او استنى يوم 24 مؤتمر تسويق عضويه اكتوبر اللي هيتكتب باسم حسين لبيب ليوم القيامه
وهنا يرد سامح سوني قائلا: رامي حبيبي انت اكتر واحد عارف ان لغة الخطاب دي ميصحش ومينفعش انها تتوجه ليا انا بالذات، ده أولاً ، ثانياً أنا بالفعل كنت في النادي امبارح الخميس وده سؤال الكثيرين في النادي محدش بيشوفه ولا بيشوف حد فيكم فعشان كدة بسأل وانت الحمد لله طمنتنا انه بخير، تحياتي وبالتوفيق.
ويرد رامي نصوحي قائلا: ما هو ده كلام غلط يا سامح لان احنا يوميا في النادي من الساعه 11:00 الصبح يمكن انت بتيجي الساعه 10:00 بالليل تقعد في الجنينه شويه وبتمشي فعشان كده مش. بتشوفنا
رد سامح سوني: خالص يا حبيبي أنا هناك من بدري ما عشان كدة بقولك وبعدين سيبك من كلامي لف في الجناين واسمع الاعضاء اللي بجد مش الناس اللي لها مصلحة وهتعرف ان الناس بتسأل وعموماً انت كتر خيرك وضحت متشكرين.
