وجه أيمن يونس نجم الزمالك السابق رسالة عتاب لـ شيكابالا قائد الزمالك السابق عقب تصريحاته التليفزيونية بالأمس مع ابراهيم فايق.
وجاءت رسالة أيمن يونس لشيكابالا قائلا:
في لعيبة كتير بتطلع تتكلم بالذات المعتزلين اللي بيطلعوا على الشاشات وعايزين يطلعوا تريند، حقكم كل واحد يتكلم ويبين اللي عنده واللي خباه وأسرار أوضة اللبس، والطريقة اللي هو عايزها
وتابع: لكن في أسرار تتقال وفي أسرار متتقالش، مينفعش تقلل من قيمة ناديك بأي شكل، أنا كـ أيمن يونس عندي أسرار في الزمالك واتحاد الكرة، لكن ده احترام المكان اللي أنا فيه
واختتم: حاجة مهمة أوي لكن على نجومنا المعتزلين ياخدوا بالهم منها. مهم أوي لما اللاعيبة السابقة تتكلم تتكلم باحترام عن أوضة اللبس، ودي أسرار أوضتك وعلاقتك بزملائك وناديك، وأنا بحترم أوي اللاعيبة السابقين اللي بيطلعوا على الشاشات
يذكر أن تصريح مثير للجدل من شيكابالا عن كواليس خسارة نهائي دوري أبطال أفريقيا عام 2016 أمام صن دوانز الجنوب أفريقي
حيث تحدث قائلا: قائلاً: "ماكنش ينفع ناخد بطولة بالحاجات اللي كانت بتحصل.. كنا 14 لاعباً فقط، ودخلت على اتنين في الأوضة لقيتهم بيشربوا شيشة!".
