علق الاعلامى كريم رمزى على تصريحات محمود عبد الرازق شيكابالا لاعب الزمالك السابق والتي أثارت جدل واسع بالأمس.
شيكابالا خلال ظهوره في أحد البرامج التلفزيونية الكارهة لنادى الزمالك قولاً واحداً، خرج بحديث غير مقبول شكلاً وموضوعاً أن يتحدث به ولا أعرف على المستوى الشخصي الحقيقة أى منطق تحدث به شيكابالا أو بأى تفكير.
وعبر صفحته الشخصية على موقع التواصل الاجتماعى فيس بوك كتب كريم رمزى معلقاً :
هو ايه المفاجأة انك عرفت ان في لاعيبة كانت بتشيش حتى قبل ماتش مهم، ما لاعيبة كتير كانت بتعمل كدة وبتشرب سجاير وخمور ومخدرات، وكلكم عارفينهم بالأسم.. وبالمناسبة الحالات دي في منها كتير في العالم مش في مصر بس..
اللي زعلان من شيكابالا زعلان علشان "التحفيل" هو مش زعلان على اللاعيبة ولا خايف عليهم.
محدش هيتكلم عن خطورة الشيشة والسجاير على قلب اللاعب وازاي ممكن تخلص عليه، ولا العقلية اللي بتخليه يروح لكدة وهو راس ماله اللياقة البدنية..
شيكابالا بيقول اللي بيجي في عقله ومبيحسبهاش، ودي ضرته مع جماهير الأهلي وبتضره مع جماهير الزمالك دلوقتي..
بس انا بشوف اللي بيقول اللي في دماغه من غير ما يفكر ويحسبها على الشاشة، ده بني أدم صادق..
احنا بقينا نحب المزيفين ونستمتع بيهم ونطلعهم أبطال، لكن الحقيقيين ميعجبوناش.. وكله خوفا من "التحفيل"..
