خرج علينا عدلي القيعي رئيس شركة الكرة السابق فى الاهلى ومدير التعاقدات السابق، وسأل سؤال غريب عجيب مريب.
السؤال هو وكما قال نصاً : من حقي أسأل أنا ليه كنادي أهلي مش بلاعب المصري والإسماعيلي في القاهرة على ملعبي.. هذا سؤال عدلى القيعى.
والإجابة والجميع يعرفها .. لما تبقى حضرتك تلاعب هذه الفرق على ملاعبهم فى بورسعيد والإسماعيلية .. تبقى حضرتك تلاعبهم فى القاهرة.
هتقول حضرتك لدواعي أمنية ... هقولك برضه عدم اللعب فى القاهرة لدواعي أمنية.
ثم ان الاهلى أكثر من استفاد بعدم اللعب فى الإسماعيلية وبورسعيد، لاننا كلنا نعرف ان اللعب على الملاعب دى خاصةُ فى وجود جماهير بيفرق، ولك فى مباراة المحلة الأخيرة خير مثال..
وهذا يندرج تحت بند المجاملات اللى الاهلى بيحقق بيها البطولات، واللى 60% من بطولاته بهذه الطريقة.
أخيراً : بلاش الاسئلة اللى تندرج تحت بند الكوميديا دى، لان الاهلى ومسئولية وجماهيرة عارفين كويس أنه أكثر نادى بيحصل على حقوق ليست من حقه، وانه أكثر نادى لا نبالغ إن قولنا فى الكون تتم مجاملته.. فبلاش الطريقة والأسلوب دا.
