رد أحمد حسن لاعب منتخب مصر السابق على مذيع قناة الاهلى.
مذيع قناة الاهلى الذى انتقد بوست لعصام الحضرى فى صورة جمعته مع أحمد حسن قال فيه "العميد الاصلى"، وقال أنه مش وقته ونركز فى المنتخب والكلام دا.
حرص أحمد حسن الرد على مذيع قناة الاهلى بهذه الكلمات.
وعبر صفحته الشخصية على موقع التواصل الاجتماعى فيس بوك كتب أحمد حسن قائلاً :
الكابتن شوبير طالع يدينا نصيحة على الهواء وردي هيكون هنا على الهواء..
لو حابب تتطوع بنصيحة فأكيد رقم تليفوني معاك وكمان أرقام السادة المحترمين في اتحاد الكرة المصري ولو كانت النصيحة صادقة ولوجه الله أكيد نتقبلها ونشكرك كمان .. لكن طالما الكلام على الهواء فالرد هيكون على شوبير هنا على الهواء
لمعلوماتك أنا أعمل مديراً لمنتخب مصر المشارك في البطولة العربية (بتكليف ومتطوعا دون أجر) في محاولة لرد جزء للمكان الذي صنع اسمي وتاريخي كلاعب أنهى مسيرته بلقب عميد لاعبي العالم أما بالنسبة لقصة هزاري أنا و عصام الحضري في القصة دي فهو أمر معتاد من سنين والجميع يراه ويشاهده ولم نراك يا كابتن يا كبير يوما تنصح أو تعترض ولكن طبعاً كلنا فاهمين دفعاك بقوة واستماتة واعتراضك ليه !!
كابتن اهدى شوية ونصيحتي ليك ركز في شغلك انت بس ووفر نصايحك لحاجة تانية علشان الموضوع مش مستحمل فتن وخناقات جديدة وكفاية اللي بنشوفه وبيحصل كل يوم وانت سيد العارفين
