علق رحاب أبورجيلة عضو مجلس إدارة نادى الزمالك السابق على الإنذار الذى حصل عليه حسام عبد المجيد بالأمس فى مباراة المصرى.
انذار غريب عجيب مريب حصل عليه حسام عبد المجيد، ليعلق رحاب أبورجيلة على هذا الأمر.
وعبر صفحته الشخصية على موقع التواصل الاجتماعى فيس بوك كتب رحاب أبورجيلة قائلاً :
امبارح اتحسب على حسام عبدالمجيد اغرب انذار ممكن يتحسب على اى لاعب المباريات اللى فاتت كميه انذارت الفرقه بتاخدها غريبه.
الملاحظه ان جميع فرق الدورى الاجهزه الفنيه بتاعتها بتظغط على الحكام من اول دقيقه للاسف احنا مؤدبين قوى حتى فى حقوقنا العنف اللى كان بيتلعب بي علينا فى كل جزء من الملعب وخاصه فى الركنيات.
كنت متوقع اشوف زيه فى الركنيات اللى علينا احنا بنسيب الناس بشكل غريب لدرجه ان فى لاعب من المصري كان واقف بيعمل بلوك على صبحى فى كورنر وبقيه الفرقه بتتفرج عليه مش عارف دى مشكله مين فى الملعب.
بس لازم الكابتن عبدالناصر وحازم امام لازم يتكلموا فى القصص دى الموضوع زاد عن حده وبقه مستفز جدا بشكل الصراحه انا ما شفتوش فى اى ملاعب كره الفرقه الكيوت دى ما تاكلش عيش
