فضح الناقد الرياضي خالد طلعت التضارب والتناقض في المواقف الإعلامية بين النادي الأهلى وبين الأندية الأخرى.
بيراميدز الذي يلعب اليوم في بطولة الانتركوننتال ولا حس ولا خبر على عكس ما حدث مع الأهلى فى الموسم فى نفس الموقف ونفس البطولة، ليتحدث خالد طلعت عن التناقض الاعلامى.
وعبر صفحتة الشخصية على موقع التواصل الاجتماعي فيس بوك كتب خالد طلعت قائلاً منتقدا،
الأهلي لما لعب في كاس انتركونتينينتال السنه اللي فاتت كان واخد دعم غير مسبوق من اتحاد الكرة ورابطة الأندية وطبعا الاعلام
يوم ماتش الأهلي والعين مكانش فيه ولا ماتش في الدوري يوميها ، وكذلك يوم ماتش الاهلي وباتشوكا عشان يبقى فيه تفرغ واهتمام اعلامي وجماهيري بماتشات الاهلي في البطولة.
وماتشات الاهلي كلها اتذاعت واتعمل عليها استوديو تحليلي رهيب، وطبعا اتعمل احتفالات كبيرة بعد فوز الاهلي على العين وتتويجه بكأس بطل أفريقيا وأسيا والمحيط الهندي
السنه دي بيراميدز بيشارك في نفس البطولة لكن محدش عارف ومحدش حاسس ولا كأنه موجود ، يوم ماتش بيراميدز الاول أمام اوكلاند سيتي اتحط ماتشين في الدوري في نفس التوقيت منهم ماتش مهم للاهلي اخد اهتمام الناس كلها ، وكمان الماتشين اتذاعوا على قناتي أون سبورت وكان الماتش التاني وادي دجلة وكهرباء اسماعيلية !!!! وماتش بيراميدز متذاعش خالص ومحدش حس بيه ولا حس انه كسب !!
النهاردة ماتش مهم جدا في نفس البطولة بين بيراميدز وبين اهلي جدة بطل أسيا الرهيب واللي هيكسب هياخد نفس الكاس اللي اخدها الاهلي ، وبرضه محدش حاسس بيه وبرضه محطوط ماتشين في الدوري في نفس التوقيت منهم ماتش مهم للزمالك ، وبرضه ماتش بيراميدز مش هيتذاع في القنوات المصرية وقناتي أون سبورت هيذيعوا ماتشين الدوري ومنهم ماتش لطلائع الجيش مع المقاولون العرب !!!
استقيموا يرحمكم الله
