علق المحلل الرياضى محمد ناصف على تعادل الزمالك اليوم أمام الجونة فى اللقاء الذى انتهى منذ قليل.
تعادل محزن وغير مقبول وغير مفهوم، فى ظل ظروف منذ بداية الموسم تقول لك أنت البطل، لكن الزمالك يرفض.
وعبر صفحته الشخصية على موقع التواصل الاجتماعى فيس بوك كتب محمد ناصف قائلاً :
من وقت خروج معالي وترحيل ادم ناحية اليمين وانا حاسس انها مش هتعدي على خير ومع نزول ايشو اتأكدت انها مش هتعدي على خير
تدخلات بالتغييرات بدايتها كانت غلط ووصلتنا للنتيجة الحالية
اربط كل دا بأنذار بيزيرا في ماتش الاسماعيلي عشان بنفكر في ماتش الاهلي هو اكبر شيء اثر عليك النهاردة ...سيناريو تقريبا بيتكرر كل موسم ومبنتعلمش منه
اكتر من حد كلمني في حوار ان لازم بيزيرا ياخد انذار في ماتش الاسماعيلي عشان يلعب الاهلي وكان ردي اننا محتاحين بيزيرا اكتر في ماتش الجونة لانهم بيلعبوا على التكتلات وهنحتاج اللاعب المهاري اللي يقدر يخترق الدفاعات دي
وماتش الجونة زي ماتش الاهلي ب3 واهم كمان لان اي نتيجة سلبية هتدخلنا ماتش الاهلي في ضغوط احنا في غنى عنها ...ريحنا بيزيرا وخسرنا نقطتين وهندخل القمة بضغوط مكنش وقتها خالص للاسف
