قدم محمد سراج الدين عضو مجلس إدارة النادي الأهلي اعتذار بعد نشره تهنئة لفريق بيراميدز بمناسبة تتويجه بلقب كأس القارات الثلاث.
وعبر حسابه الشخصي على مواقع التواصل الاجتماعي فيسبوك كان قد تقدم بتهنئة لنادى بيراميدز، ثم عاد وتقدم باعتذار عنها بعد ان انتقده جمهور الاهلى ومسئولى الأهلى.
وأوضح سراج الدين أن ما نشره لم يكن مقصود به الإساءة لجماهير الأهلي أو التقليل من قيمة النادي كما وصل للبعض.
وعبر صفحته الشخصية على موقع التواصل الاجتماعى فيس بوك كتب محمد سراج الدين :
بعتذر عن بوست التهنئة من شوية بس المقصد منه كان بمنتهى حسن النية ودون الأعلام والمباركة كنت أقصد بها اللاعبين اللي لعبوا بروح عالية ورجولة كلعيبين مصريين (معظم الفريق) قدام فريق غير مصري ولاعبين أجانب. لكن ولا أقصد به تهنئة إدارات ولا غيره ولا في دماغي ولا نيتي ومحصلش إن حد هنا النادي الأهلي قبل كده عشان أقدمله تهنئة رسمية. الموضوع حصل بشكل عفوي ودي أنا كان ممكن أقول ده الأدمن أو غيره اللي كتب لكن أنا بحب المصارحة والمواجهة واحترام الجمهور والأصدقاء قبل كل شيء.
واسعت التقدير في التهنئة كلنا بشر في النهاية قد نخطأ أو نصيب.
وأعتقد أنا معروف موقفي وكان واضح في مواقف سابقة كثير ومتسجل قدام أي توجه ضد النادي من قريب أو بعيد وبالعكس البوست مالوش أي علاقة باستمراري في النادي من عدمه لأن مع كل مواقفي السابقة واللي ممكن تكون سببت ضرر ليا بشكل شخصي في أمور معينة طول عمري ما طلعت وضحت أو تم المتاجرة بهذا الأمر وسببها بيكون غيرتي على النادي زي أي مشجع ومحب للأهلي قبل ما أكون مسؤول. بالعكس أنا بكون كده مقيد بسبب تقاليد المنصب.
وبالعكس لو مش مستمر هكون واخد راحتي أكثر في الردود والهجوم عن كده وده هيحصل فعلاً لو مش في موقع المسؤولية مستقلاً ولا هيهزني عندي أجامل حد ولا أكسب حد عشان مش موجود أو مش مكمل الأهلي. بيكون هو اللي في دماغي بس.
بعتذر مرة تانية والموضوع حصل بشكل عفوي وكل الاحترام لأي حد زعل أو أضايق من البوست وأهم حاجة ربنا يكرمنا في المباراة القادمة ويستعيد الفريق مكانه المفضل رقم 1 قريبًا إن شاء الله.
