دافع أحمد حسام ميدو عن ما وصفه بحالة هجوم على محمود عبد الرازق شيكابالا لاعب الفريق السابق.
شيكابالا الذى خرج بعد مباراة القمة طالب برحيل فيريرا، يرى ميدو ان شيكابالا يتعرض لحالة هجوم كبيرة بسبب هذا المطلب ليخرج ويدافع عنه.
وعبر صفحته الشخصية على موقع التواصل الاجتماعى إكس كتب ميدو قائلاً :
الإرهاب الإعلامي اللي بيتطبق من اعلام #الأهلي بقاله سنين على ولاد النادي قبل ولاد المنافسين لاي حد يعترض على سياسة ادارة النادي بدأ يتطبق في الزمالك.
شيكابالا قال رأيه في الماتش وان المدرب لازم يمشي وانه السبب الرئيسي في ظهور الفريق بالشكل ده رأيه رأي كل الزمالكاويه …القبيضة والمنتفعين مدورين عليه مكن ومطلعينه بيصفي حسابات!!
بيصفي حسابات مع مين؟ الراجل خدم النادي ٣٠ سنه من وهو عيل صغير واعتزل بقرار منه شخصيا وهو شيكابالا لو كان عايز يكمل السنه اللي ناقصه في عقده ماكانش هيكملها غصبا عن أي حد؟
ومش معنى ان انتوا مرضى ان الناس كلها مرضى زيكم انتوا مابتشوفوش الناس بعينكم انتوا بتشوفوا الناس بقلبكم المريض الي مليان حقد وغل!!
مفيش في الدنيا اي حاجه تستاهل قلة الادب دي!! محمود الخطيب وحسين لبيب انتوا مسؤولين عن اللي بيحصل ده عاملين نفسكم مش واخدين بالكم!!ده كلام تقولوهولنا احنا!! هتقولوا لربنا ايه؟ وقفوا المهزله دي لو سمحتم…
