علق الاعلامى احمد عفيفى على المشهد فى نادى الزمالك فى ظل عدد من الازمات المالية التى يعانى منها، مقارناً المشهد فى الزمالك بـ أندية أخرى.
وعبر صفحته الشخصية على موقع التواصل الاجتماعى فيس بوك كتب أحمد عفيفى معلقاً :
ممل وكلامي مكرر بس هتسمعه معلش
الناس بتشيد بموقف بطولي من هشام نصر.. وهو فعلا موقف بطولي
الناس بتنتقد اللي ما أخدش مواقف بطولية زي هشام نصر
لحد امتى هيفضل مصيرك مرتبط بمواقف بطولية؟
ليه تبقى انت عشان بس تعيش محتاج أبطال في الوقت اللي غيرك ولا فيه أبطال ولا فيه عباقرة ويقدر يغلط ويعدل ويبدل بمزاجه لغاية ما تضبط معاه؟
مين خلي دي إمكانياتك ودي إمكانياته؟
بالتالي مين هيسمح لك تكون مختلف عما انت عليه؟
تفضل كده تطارد لحظات حلوة غير منطقية وتحاول تكررها ولما تفشل في تكرارها يتقال انك فاشل وغيرك عبقري ويلا نشيد بهشام نصر وننتقد كل من هو مش هشام نصر ونعيد الدائرة من أولها
تاني وتالت وعاشر ومليون .. اللي وزع الفلوس وزع البطولات
